RESPUBLIKA IXTISOSLASHTIRILGAN DERMATOVENEROLOGIYA VA KOSMETOLOGIYA ILMIY-AMALIY TIBBIYOT MARKAZI

Opatra (Opatra Skin Analysis System) — zamonaviy raqamli teri diagnostika apparati bo‘lib, kosmetologiya va dermatologiya amaliyotida teri holatini kompleks baholash uchun qo‘llaniladi. Ushbu apparat Respublika ixtisoslashtirilgan dermatovenerologiya va kosmetologiya ilmiy-amaliy tibbiyot markazi (RIDV) hamda Klinik ilmiy-amaliy tibbiyot muassasalari (KIATM) amaliyotida teri diagnostikasining zamonaviy usuli sifatida joriy etilgan.
Opatra apparati multispektral yorug‘lik texnologiyasiga asoslangan bo‘lib, teri yuzasini oddiy, polyarizatsiyalangan va ultrabinafsha nurlar orqali skanerlash imkonini beradi. Bu esa teri tuzilishi, pigmentatsiya, poralar holati, yog‘ bezlari faoliyati, namlik darajasi, fotozararlar, ajinlar va subklinik o‘zgarishlarni yuqori aniqlikda aniqlashga xizmat qiladi.
Apparatdan olingan raqamli ma’lumotlar klinik tahlil qilinib, kosmetologik va dermatologik muolajalarni individual rejalashtirish, davolash samaradorligini dinamik kuzatish hamda profilaktik chora-tadbirlarni ilmiy asosda belgilash imkonini yaratadi. Shu jihatdan, Opatra tizimi RID va KIATMda estetik tibbiyot amaliyotida diagnostik qo‘llab-quvvatlovchi muhim texnologiya hisoblanadi.